Gürcüstan Aİ-nin “xarici agentlər haqqında” qanunla bağlı “hüquqi iradlarını” müzakirə etməyə hazırdır

Poliqon xəbər veriri ki, bunu Gürcüstanın baş naziri İrakli Kobaxidze bildirib. Baş nazir əmin edib ki, Gürcüstan hakimiyyəti onların “dərhal baxılmasına” açıqdır.

“Çarl Mişellə ilk söhbət zamanı mən məsləhətləşmələrə hazır olduğumuzu bildirdim. İkinci zəng zamanı mən eyni şeyi təkrarladım - biz bu qanunla bağlı istənilən məsləhətləşmələrə tamamilə açığıq”, cdeyə Kobaxidze bildirib.

Qeyd edək ki, mayın 14-də Gürcüstan parlamenti daha çox “xarici agentlər haqqında qanun” kimi tanınan “Xarici təsirin şəffaflığı haqqında” qanun layihəsini üçüncü və yekun oxunuşda təsdiqləyib. Qərar müxalifət deputatlarının sərt müqavimətinə, eləcə də minlərlə insanın etiraz etməsinə baxmayaraq qəbul edilib.

Finacial Times nəşrinin məlumatına görə, Aİ Tbilisinin bu addımına qarşı Gürcüstanın ittifaqa üzvlük ərizəsini dondurmaqla cavab verəcək. ABŞ həmçinin Gürcüstanla münasibətlərə yenidən baxacağına söz verib.

Poliqon.info