Senator: FTB Bayden ailəsinin cinayətləri ilə bağlı 40-dan çox məlumat alıb

Poliqon FoxNews telekanalına istinadən xəbər verir ki, bunu respublikaçı senator Çak Qrassli deyib.

Qrasslinin sözlərinə görə, daxil olan məlumata baxmayaraq, FTB tam araşdırma aparmaqdan imtina edir.

FoxNews qeyd edib ki, əsas iddialardan biri Bayden ailəsinin Ukraynanın enerji şirkəti "Burisma" ətrafında korrupsiya sxemində iştirak etməsidir. Hanter Bayden şirkətin direktorlar şurasında yer alıb.

Çak Qrasslinin sözlərinə görə, FTB-nin Vaşinqtondakı işçi qrupu məlumat verənlərdən gələn informasiyaları bloklamağa çalışıb və bunu "xarici dezinformasiya" adlandırıb. Bununla bağlı FoxNews qeyd edir ki, bir neçə ildir qəbul edilən mesajlara məhəl qoyulmur.

İyun ayında FoxNews FTB-dəki mənbəyə istinadən xəbər vermişdi ki, məlumatlara görə, Co Bayden ABŞ-ın keçmiş prezidenti Barak Obamanın vitse-prezidenti olduğu dövründə 5 milyon dollarlıq rüşvət sxemində iştirak edə bilərdi. Bu arada, Hunter Bayden qanunsuz silah saxlama və vergidən yayınma ittihamları ilə araşdırılır.

Poliqon.info