Şəmkirdə minik maşınının aşması nəticəsində ana və oğlu ölüb - Yenilənib

Şəmkirdə baş verən ağır qəzada ölənlərin kimliyi bilinib.

APA-nın yerli bürosunun məlumatına görə, ölən şəxslər 1980-ci il təvəllüdlü D.Nəbiyeva və onun övladı, 2002-ci il təvəllüdlü E.Nəbiyevdir.

Qeyd edək ki qəzaya düşənlər Tovuz rayon sakinləridir.

***

Şəmkirdə ağır avtomobil qəzası olub, ölənlər və yaralananlar var.

"Report"un Qərb bürosunun məlumatına görə, Bakı-Qazax magistral yolunun Şəmkir rayon Dəllər Cəyir kəndi ərazisindən keçən hissəsində Tovuz rayon sakini, 1996-cı il təvəllüdlü R.Namazov idarə etdiyi "Mercedes" markalı minik maşını ilə hərəkətdə olarkən idarəetməni itirib və avtomobili yol kənarına aşırıb.

Nəticədə avtomobildə olan sərnişinlər - 1980-ci il təvəllüdlü Dürdanə Nəbiyeva və 2002-ci il təvəllüdlü Eyvaz Nəbiyev aldıqları xəsarətlərdən hadisə yerində ölüblər.

Avtomobildə olan digər sərnişinlər xəsarət alıb və xəstəxanaya yerləşdirilib.

Hadisə yerinə Baş Dövlət Yol Polisi İdarəsinin 9-cu tağımının əməkdaşları gəlib, müvafiq tədbirlər həyata keçirib, faktla bağlı araşdırmalar davam etdirilir.

***

APA-nın yerli bürosunun məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alımıb.

Hərəkətdə olan "Mercedes" markalı minik maşını yoldan çıxaraq aşıb.

Qəza zamanı iki nəfər hadisə yerində ölüb.

Üç nəfər isə xəsarət alaraq xəstəxanaya yerləşdirilib

Poliqon.info