Rusiya XİN: NATO “soyuq müharibə” sxemlərinə qayıdır...

NATO sammitinin nəticəsi alyansın “soyuq müharibə” sxeminə qayıtmasından xəbər verir və Alyansın dünyada yeni geosiyasi vəziyyətə, o cümlədən real təhlükəsizlik ehtiyaclarına uyğunlaşa bilmədiyini təsdiqləyir.

Poliqon xəbər verir ki, bu barədə Rusiya Xarici İşlər Nazirliyinin NATO sammitinin yekunlarına dair rəsmi məlumatında deyilir. XİN-nin məlumatında bildirilir ki, Rusiya NATO-nun Vilnüs sammitinin qərarlarını cavabsız qoymayacaq.

Rusiya XİN-nin məyanatında qeyd olunur ki, ABŞ və müttəfiqləri NATO-dan qlobal hegemonluğun əsas aləti kimi istifadə etmək niyyətindədirlər. Eyni zamanda, Alyansın anti-Rusiya yönümlü olması artıq gizlədilmir.

“Sammit sənədlərində Rusiya növbəti dəfə Alyansın “təhlükəsizliyinə ən əhəmiyyətli və birbaşa təhdid” adlandırılıb. Brüssel Şimali Atnaltuka Blokunun Rusiyaya qarşı yönəlmədiyinə dair verdiyi zəmanətləri artıq xatırlamır”, deyə XİN-in bəyanatında deyilir. Sənəddə qeyd edilir ki, NATO-nun Rusiyaya qarşı hibrid müharibəsində Ukraynaya istehlak materialları rolu verilib.

Rusiya Xarici İşlər Nazirliyi həmçinin NATO-nu “gücdən istifadə həddini ardıcıl olaraq aşağı salmaqda” və “hərbi planlaşdırmada nüvə potensialını gücləndirməkdə” ittiham edib.

Rusiya Xarici İşlər Nazirliyi Vilnüs sammitinin nəticələrini diqqətlə təhlil edəcəyinə söz verib.

“Rusiya öz maraqlarına və təhlükəsizliyinə müəyyən edilmiş təhdid və çağırışları nəzərə alaraq, bunun üçün bütün mümkün vasitələrdən istifadə edərək cavab verəcək”, deyə bəyanatda bilirilir.

Poliqon.info