Pentaqon: Rusiya ABŞ-a amerikalı hərbçinin saxlanması barədə məlumat verib...
Poliqon xəbər verir ki, bu barədə ABŞ Ordusunun sözçüsü Sintiya Smit məlumat verib. Smit bildirib ki, ABŞ Dövlət Departamenti mayın 2-də Vladivostokda bir amerikalı hərbçinin saxlanılması barədə Rusiyadan məlumat alıb.
Pentaqon nümayəndəsi həbs edilən hərbiçiyə bütün lazımi konsulluq dəstəyinin göstərildiyini vurğulayıb. Xanım Smit hadisənin başqa halları barədə məlumat açıqlamayıb.
“2024-cü il mayın 2-də Vladivostokda Rusiya hakimiyyəti bir amerikalı əsgəri cinayət əməli ittihamı ilə saxlanılıb. Rusiya Federasiyası Konsulluq Münasibətləri haqqında Vyana Konvensiyasına uyğun olaraq saxlanılması barədə Dövlət Departamentini xəbərdar edib”, deyə Smit “RİA Novosti” Agentliyinə bildirib.
Xanım Smit vurğulayıb ki, hadisə ilə bağlı saxlanılan hərbçinin ailəsi də məlumatlandırılıb. “Bu məsələnin həssaslığını nəzərə alaraq, hazırda əlavə məlumat verə bilmərik”, deyə Pentaqon sözçüsü əlavə edib.
NBC News xəbər verir ki, amerikalı əsgərin saxlanmasına səbəb oğurluq ittihamı olub. Telekanalın məlumatına görə, hərbiçi Rusiyaya Cənubi Koreyadan gəlib.
Politico isə yazıb ki, hərbçi artıq iyulun 1-dək həbsdə qalacaq. Ağ Evin sözçüsü Con Kirbi ABŞ-ın “bu məsələdən xəbərdar olduğunu” deyib, lakin təfərrüatları da açıqlamayıb.
Poliqon.info