Rusiya ordusu bütün imkanları ilə Ukrainaya hücum edəndən sonra kifayət qədər zəifləyib.
PİA.az xəbər verir ki, bu barədə Britaniya Müdafiə Nazirliyinin kəşfiyyatının məlumatıda qeyd olunub. Britaniya kəşfiyyatının məlumatına görə Rusiya 2005-2018-ci illərdə müdafiə büdcəsini iki dəfə artırıb və bu sərmayələr əsasən yüksək keyfiyyətli hava, yer və dəniz hərbi vasitələrin modernləşməsinə qoyulub. 2008-ci ildən sonra bu proqram Rusiya olrdusunun modernləşməsinə sərf edilən əsas layihə olub.
“Lakin öz silahlarının modernləşməsinə sərf edilən bu vəsaitlər Rusiyanın Ukrayna ordusu üzərində hakim mövqeyə sahib olmasına kömək eləmədi. Hər şeydən əvvəl sgtrateji planlamanın uğursuzluğu və operativliyin təmin olunmaması Rusiya ordusunun say çoxluğunu həlledici amilə çevirə bilmədi”, deyə məlumatda bildirilir.
Britaniya kəşfiyyatı əmindir ki, Rusiya öz hərbi gücünü yaxın zamanda bərpa edə bilməyəcək:
“Rusiya ordusu hazırda həm təminat, həm güc, həm də planlaşdırılmış əməliyyatların yerinə yetirilməsi baxımından Ukraynaya daxil olduğu zamandan bəri çox zəifləyib. Rusiya ordusunun gücünün bərpa olunması isə sanksiyalar ucbatından çox çətinləşib. Bu Rusiyanın hələ uzun müddət ənənəvi hərbi gücünü bərpa etmək imkanlarına təsir edəcək”.
pia.az
Digərxəbərlər
Populyar xəbərlər
