“Qızıl qlobus”un nominantları açıqlandı - Foto, Video

Bu siyahıya "Barbi" filmi başçılıq edir. Ekran əsəri 9 xal toplayaraq, "Oppenheymer" tarixi dramını (8 xal) geridə qoyur.

Poliqon bizim media-ya istinadla xəbər verir ki, yay prokatında "Barbenhaymer" kimi keçən bu iki film 2024-cü ilin yanvarında Hollivud mükafatları mövsümünü açacaq "Qızıl qlobus"un təqdimetmə mərasimində müxtəlif kateqoriyalarda yarışacaqlar.

Rejissor Qreta Qerviqin məşhur kukla haqqında filmi "Amerika fantastikası", "Qalıqlar" və s. kimi filmlərlə yanaşı ən yaxşı komediya və ya musiqi filmi adına iddiaçı olacaq.

Killian Mörfinin atom bombasını yaradan insanı canlandırdığı "Oppenheymer" filmi ən yaxşı kino dramı adına iddialıdır. Bu filmə rəqib Martin Skorsezenin 1920-ci illərdə Oklahomada yerli amerikalıların qətllərindən bəhs edən "Ay çiçəyi qatilləri"dir.

Televiziya kateqoriyalarında "Varislər" ailə dramı 9 nominasiya ilə bütün seriyalara başçılıq edir, onun ardınca 5 nominasiya ilə "Ayı" filmi gəlir.

Ən yaxşı qadın rolu nominantları arasında "Ay çiçəyi qatilləri" filmində Lili Qladstoun, "Eyni binada qətllər"də Selena Qomes və s. olub.

"Bizlərdən sonuncusu"nun ulduzu Pedro Paskal və "Ötən talelər"dən aktrisa Qreta Li 27 nominant arasında ilk dəfə yer alıblar.

Bredli Kuper "Maestro" filmində ən yaxşı kişi roluna və rejissorluğa nominantdır. Film, eyni zamanda, ən yaxşı dramatik rol nominasiyasında da iddialıdır.

Aktyor roluna görə digər nominantlar arasında Kilian Mörfi ("Oppenheymer" filmi), Marqo Robbi ("Barbi" filmi") və Leonardo Di Kaprio ("Ay çiçəyi qatilləri" filmi) olublar.

"Qızıl qlobus" mart ayında keçiriləcək "Oskar" mükafatının təqdim edilməsində filmlərə təkan verə biləcək əsas müsabiqələrdən biridir.

Bu il "Qızıl qlobus"un nominasiyaları yeni təşkilat tərəfindən seçilib. Yeni təşkilatçılar - "Eldridge Industries" və "Dick Clark Productions" mükafatlandırılma mərasimini kommersiya tədbiri kimi keçirəcək. Onların sözlərinə görə, hazırda münsiflər heyətinin tərkibinə dünyanın 75 ölkəsindən müxtəlif dinə və irqə məxsus 300-dək jurnalist daxildir.

"Qızıl qlobus" "Ən yaxşı kinematoqrafiya nailiyyəti və kassa yığımları" adı altında blokbaster filmləri üçün kateqoriya əlavə edib. Bu, "Teylor Svift: zamanın turnesi" film-konsertinə nominasiya üçün yol açıb.

"Netflix" (NFLX.O) 13 nominasiya ilə kinoprokatçıların siyahısında liderlik edir. "Warner Bros. Discovery" (WBD.O), "HBO" və "Max" telekanalları 17 nominasiya qazanaraq televiziya distributorlarının siyahısında birincidir.

Qaliblər yanvarın 7-də, "CBS" və "Paramount+"un efirində birbaşa yayımlanacaq.

Poliqon.info