Qərb ölkələri və ABŞ İsrail Müdafiə Qüvvələrinin Qəzzada formalaşdırmağı planlaşdırdığı bufer zonasının daimi olacağından narahatdır...
Poliqon xəbər verir ki, bu barədə İsrailin Haaretz nəşri məlumat yayıb. Vəziyyətlə tanış olan diplomat nəşrə bildirib ki, don bir neçə gün ərzində İsrail höküməti bir neçə Qərb hökumətini müharibə başa çatdıqdan sonra Qəzza zolağında bufer zona yaratmaq planları barədə məlumatlandırıb. Danışıqlara yaxın olan diplomatik mənbə hər hansı təfərrüatlı planın olmadığını bildirib.
İsraillilərə bununla bağlı konkret suallar verildikdə məlum olub ki, İsrail hökümətinin də bu suallara hələ cavabları yoxdur. Onlar bufer zonasının nə qədər dərin olacağını, onu necə dəqiq tətbiq edəcəklərini və ya nə qədər davam edəcəyini bilmirlər.
“Problem ondadır ki, biz bütün bu sualların cavabını bilməliyik ki, onu dəstəkləyəcək, ya yox”, deyə mənbə nəşrə izah edib.
Müzakirələrdə iştirak edən diplomatlar Haaretz-ə bildiriblər ki, prinsipcə Qərb dövlətlərinin əksəriyyəti İsrailin hansısa bufer zonası yaratmalı olduğunu başa düşür və Qəzza zolağında yeni idarəetmə sistemi qurulana qədər bunu müvəqqəti həll yolu kimi görür. Onlar bufer zonasının daimi olmasına qarşıdırlar.
Poliqon.info