Ukraynalı hərbi ekspert 2014-cü ildə Krımın Qərb tərəfindən Rusiyaya satıldığını iddia edib…
“Putin tezliklə danışacaq, Qərb isə Krımın 2014-cü ildə satışı ilə bağlı razılaşmaları üzə çıxarmaqdan qorxur”.
PİA.az xəbər verir ki, bu fikri hərbi ekspert, ehtiyatda olan polkovnik, hərbi pilot-təlimatçı Roman Svitan “Qlavred” nəşrinə müsahibəsində deyib.
“2014-cü ildə Krım Qərblə razılaşma əsasında Rusiyaya satılıb. Məhz buna görə də hazırda Qərb ölkələrinə rəhbərlik edən həmin siyasi dairələr Krım yarımadasını işğaldan azad etmək üçün Ukrayna qoşunlarının hərəkətini hər cür ləngitəcəklər”, deyə hərbi ekspert bildirib.
Svitan vurğulayıb ki, yaxın zamanlarda Krım və 2014-cü ildə onun başına gələnlər haqqında çox maraqlı məlumatlar ortaya çıxacaq.
pia.az