Qazaxıstanın Şımkənt şəhərində partlayışda ölənlərin sayı artıb - Yenilənib

Qazaxıstanın Şımkənt şəhərində perinatal mərkəzinin yaxınlığındakı aptekdə partlayış baş verib, nəticədə 3 nəfər ölüb.

APA TASS-a istinadən xəbər verir ki, bu barədə Qazaxıstan Səhiyyə Nazirliyinin mətbuat xidməti məlumat yayıb.

Qeyd olunub ki, hadisə zamanı perinatal mərkəzdə 189 xəstə və 65 işçi olub. Onların hamısı Şımkəntin digər tibb müəssisələrinə köçürülüb.

Partlayış faktı ilə bağlı polis Qazaxıstan Cinayət Məcəlləsinin müvafiq maddəsi ilə ibtidai istintaqa başlayıb.

Bundan əvvəl iki nəfərin öldüyü bildirilib.

***

Qazaxıstanın Şımkent şəhərində doğum evinin yaxınlığında yerləşən aptekdə baş vermiş partlayış nəticəsində 2 nəfər ölüb.

Fizioloji məhlulun istehsal edildiyi aptek binası tamamilə dağılıb.

“Hadisə nəticəsində perinatal mərkəzin bir əməkdaşı (keşikçi – red.) və bir körpə (18 günlük) ölüb, 8 nəfər xəsarət alıb”, - Türkestan vilayətinin səhiyyə idarəsinin məlumatında deyilir.

***

Qazaxıstanın Şımkent şəhərində doğum evinin yaxınlığında partlayış baş verib, beşmərtəbəli yaşayış evinə zərər dəyib.

“Report” TASS-a istinadən xəbər verir ki, bu barədə “Zakon.kz” portalı məlumat yayıb.

Partlayışın aptekdə baş verdiyi bildirilir. Hadisəyə oksigen balonunun partlamasının səbəb olduğu güman edilir. Xəsarət almış bir nəfər xəstəxanaya yerləşdirilib.

pia.az