Dekabrın 4-də Mənəvi Dəyərlərin Təbliği Fondunun dəstəyi ilə Qaradağ Rayon İcra Hakimiyyəti və Dini Qurumlarla İş üzrə Dövlət Komitəsinin birgə təşkilatçılığı ilə Lökbatan qəsəbəsindəki 7 nömrəli Bakı Peşə Məktəbində “Milli-mənəvi dəyərlərimizin formalaşmasında İslamın rolu” layihəsi çərçivəsində maarifləndirici tədbir keçirilib
Tədbirdə Qaradağ Rayon İcra Hakimiyyəti (RİH) başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Yusif Nəsibov, DQİDK-nın Bakı şəhəri üzrə şöbəsinin əməkdaşı Nuru İmanov, Lökbatan qəsəbə məscidi dini icmasının sədri Faiq Əhmədov, məktəbin direktoru Hicrət Qaradağlı və məktəblilər iştirak ediblər.
Qaradağ Rayon İcra Hakimiyyəti (RİH) başçısı Aparatının İctimai- siyasi və humanitar məsələlər şöbəsinin müdir müavini - dini qurumlarla işin təşkilatçısı Yusif Nəsibov xalqımızın mənəvi dünyasını zənginləşdirən, birliyimizi təmin edən milli-mənəvi dəyərləri qoruyub saxlamağın hər birimizin üzərinə düşən vəzifə olduğunu qeyd edib.
DQİDK-nın Bakı şəhəri üzrə şöbəsinin əməkdaşı Nuru İmanov milli-mənəvi dəyərlərin hər bir xalqın ən qiymətli sərvəti olduğunu, Azərbaycan xalqının yaşatdığı və təbliğ etdiyi bəşəri ideyaların və dini ənənələrin özünəməxsusluğu ilə seçildiyini vurğulayıb.
Lökbatan qəsəbə məscidi dini icmasının sədri Faiq Əhmədov gənclərimizin radikal dini cərəyanların təsirindən qorunması üçün maariflənməyinin əhəmiyyətli olduğunu diqqətə çatdırıb.
Tədbirin sonunda iştirakçıları maraqlandıran suallar cavablandırılıb.
pia.az
Fotolar
Digərxəbərlər
Populyar xəbərlər
