“Qarabağ” – “Şerif” oyununun hakimləri açıqlandı

“Qafqazinfo” xəbər verir ki, UEFA Bakıda baş tutacaq bu görüşü Makedoniyadan olan hakimlər briqadasına həvalə edib.

Qarşılaşmanın baş hakimi Aleksandr Stavrev olacaq. Ona yan xətt hakimləri Maryan Kirovski ilə Deyan Kostadinov kömək edəcək. Dördüncü hakim funksiyasını isə Dimitar Meçkarovski yerinə yetirəcək.

Qeyd edək ki, “Qarabağ” Moldovada keçirilmiş ilk oyunda bu rəqibinə 0:1 hesabıyla məğlub olub. Avqustun 30-dan Tofiq Bəhramov adına Respublika Stadionunda keçiriləcək cavab görüşü saat 21:00-da başlanacaq.

pia.az