Podolyak: Kissincer Ukrayna müharibəsi ilə bağlı heç nə anlamır

"Amerika Birləşmiş Ştatlarının keçmiş Dövlət Katibi Henri Kissincer Ukrayna münaqişəsinin mahiyyəti və onun hazırkı dünya nizamına necə təsir etdiyi barədə heç nə başa düşməyib".

PİA.az Lenta.ru-ya istinadən xəbər verir ki, bu sözləri Ukrayna prezidentinin aparat rəhbərinin müşaviri Mixail Podolyak deyib.

“Cənab Kissincer hələ heç nə başa düşməyib... nə bu müharibənin mahiyyətini, nə də onun dünya nizamına təsirini”, -deyə ukraynalı siyasətçi bildurub.

Xatırladaq ki, daha əvvəl Kissincer Krım və Donbass respublikalarında insanların Rusiyanın tərkibində olmaq istəyib-istəməmələri ilə bağlı fikirlərini öyrənmək üçün referendumlar təşkil etməyi təklif etmişdi. Onun sözlərinə görə, münaqişənin başqa cür həll oluna bilməyəcəyi şəraitdə bu, ağlabatan yol olardı.

Podolyak ABŞ-ın keçmiş Dövlət Katibi Henri Kissincerin sülh təkliflərini Ukrayna torpaqlarının bir hissəsinin “təcavüzkara qurban verilməsi kimi” dəyərləndirib.

Həmçinin, Ukrayna prezidentinin ofisinin rəsmisi vurğulayıb ki, böhrana son qoymaq üçün yeganə doğru variant Ukraynanın bütün ərazilərin azad edilməsi, Rusiyanın hərbi cinayətkar kimi beynəlxalq məhkəmədə mühakimə olunması və Moskvanınvurilan ziyanlara görə Kiyevə təzminat ödəməsi ola bilər.

pia.az