Ukraynanın Rusiya ilə danışıqlara deyil, səmanı bağlamaq üçün raketdən müdafiə sistemlərinə ehtiyac var...
Poliqon xəbər verir ki, bunu Ukrayna prezidentinin aparat rəhbərinin müşaviri Mixail Podolyak bildirib.
Ukrayna rəsmisi Rusiya tərəfinin Lvov, Lutsk və Dneprdə törətdiyi gecə hücumlarını şərh edib:
“Bizə raketdən müdafiə sistemləri və “qapalı səma” lazımdır, nəinki “sakitləşdirmə/danışıqlar”, deyə Podolyak vurğulayıb.
Qeyd edək ki, avqustun 15-nə keçən gecə bütün Ukrayna ərazisində hava xəbərdarlığı elan edilib. Yerli media Lvov, Lutsk və Dneprdə partlayışlar barədə yazıb. Volın vilayətinin administrasiyasının rəhbəri Yuri Poqulyaiko bildirib ki, Lutskda sənaye müəssisəsinə raket hücumu nəticəsində 3 nəfər ölüb, daha 3 nəfər yaralanıb.
Dnepropetrovsk vilayəti administrasiyasının rəhbəri Sergey Lısakın sözlərinə görə, gecə saatlarında Dneprdə sənaye müəssisəsinə zərbə endirilib. Onun sözlərinə görə, hücumdan sonra 800 kvadratmetr sahədə yanğın başlayıb və 2 nəfər yaralanıb.
Lvov vilayəti administrasiyasının rəhbəri Maksim Kozitski bildirib ki, raket parçaları yaşayış binalarına düşüb. Nəticədə, yanğın olub, qurbanlar var. Administrasiya rəhbəri yaralıların sayını açıqlamayıb.
Rusiya Müdafiə Nazirliyi hücumlarla bağlı məlumatı şərh etməyib.
Poliqon.info
Digərxəbərlər
Populyar xəbərlər
