Paşinyan: İlin sonuna qədər Azərbaycanla sülh müqaviləsi imzalana bilər

Poliqon xəbər verir ki, Ermənistanın Baş naziri Nikol Paşinyan Avropa Parlamentində çıxışı zamanı İrəvanla Bakının ilin sonuna qədər sülh sazişi imzalayacağını istisna etməyib. Ermənistan hökumətinin başçısı qeyd edib ki, Azərbaycan prezidenti İlham Əliyevin Qranadadakı görüşdə iştirakdan imtina etməsi danışıqlar prosesini asanlaşdırmayıb.

Paşinyanın sözlərinə görə, Ermənistan qarşılıqlı əsasda 1991-ci il sərhədindən qoşunlarını çıxarmağa hazırdır. İrəvan həmçinin “anklavlar” məsələsini müzakirə etməyə hazırdır.

“Biz ilin sonuna qədər Azərbaycanla sülh və münasibətlərin nizamlanması haqqında saziş imzalamağa hazırıq”, Paşinyan bildirib.

Eyni zamanda, onun sözlərinə görə, Azərbaycan prezidenti İlham Əliyevin Qranadadakı görüşdə iştirakdan imtina etməsi prosesi asanlaşdırmayıb.

Digər tərəfdən, Paşinyan qeyd edib ki, Avropa Şurasının sədri Şarl Mişelin vasitəçiliyi ilə Əliyevlə danışıqların aparılmasına dair razılaşma var.

“Yuxarıdakı prinsiplər təsdiq olunarsa, o zaman ilin sonuna kimi sülh və münasibətlərin nizamlanmasına dair sazişin imzalanması son dərəcə reallaşacaq”, deyə Paşinyan bildirib.

Poliqon.info