Nigerdəki hərbi çevrilişdən sonra Moskvanın demokratik yolla seçilmiş hökumətin zorakılıqla devrilməsini dəstəkləməyə çalışdığına dair işarələr artmaqdadır...
Poliqon xəbər verir ki. Bu barədə Almaniyanın Bild nəşri yazır. Tabloid qeyd edir ki, hələlik hərbi çevrilişin özünün Moskvanın təsiri altında baş verdiyinə dair heç bir sübut yoxdur. Lakin hərbi xunta Rusiya rejiminə yaxınlaşmağa çalışır. Hərbi xuntanın hakimiyyətdə qala bilməsi üçün “Vaqner”dən olan muzdlular bu işdə qiyamçılara kömək etməlidirlər.
Yevgeni Priqojin artıq audiomüraciətində hökumətin devrilməsini alqışlayıb. Görünür, Kreml hələ “Vaqner”siz keçinə bilmir. Bild qeyd edir ki, Afrikada muzdlular Moskvanın ən mühüm alətidir. “Vaqner” artıq Nigerin qonşu ölkələrində, Mali, Liviya və Burkina Fasoda əhəmiyyətli təsirə malikdir və həmçinin Çadda bir neçə dəfə möhkəmlənməyə çalışıb.
Bild yazır ki, Niger qiyamçıları da rus muzdlularına ümid edirlər. Hərbi xuntanın yüksək rütbəli nümayəndələri qonşu Mali ölkəsinə gedərək orada öz hakimiyyətini təmin etmək üçün “Vaqner” muzdlularından operativ dəstək istəyiblər.
Bəzi məlumatlara görə, Malidə 1000-dən çox “Vaqner” muzdlusu var. Qiyamçılar kömək üçün məhz qonşu ölkədəki muzdku ruslara müraciət edirlər və görünür, “Vaqner” muzdlularının tezliklə Nigerə köçürülməsinə çalışırlar.
Poliqon.info