İsrail Müdafiə Qüvvələri Fələstinin HƏMAS hərəkatının yeni rəhbəri Yəhya Sinvarı aradan götürmək istəyir...
Poliqon xəbər verir ki, bunu İsrail Ordusunun Baş Qərargah rəisi Herzi Halevi deyib.
Halevi Sinvarın yeni vəzifə aldığını xatırladıb və qeyd edib ki, Yəhya Sinvarı tapıb öldürmək üçün hər şeyi edəcəklər.
“Onun postunun dəyişdirilməsi nəinki onun arxasınca getməyimizə mane olmayacaq, həm də bizi motivasiya edəcək, onu tapmaq üçün səy göstərəcəyik ki, o, hədəfə çevrilsin və onlar yenidən Siyasi Büro rəhbərini dəyişdilər. Biz son həftələrdə ən problemli düşmənlərimizin ən yüksək rütbəli komandirlərini məhv edərək çox mühüm əməliyyatlar keçirdik və bununla da dayanmayacağıq”, deyə İsrailin Baş Qərargah rəisi bildirib.
Xatırladaq ki, Yaxın Şərqdə vəziyyətin kəskin şəkildə pisləşməsi son günlərdə Fələstinin radikal HƏMAS hərəkatının Siyasi Bürosunun rəhbəri İsmayıl Haniyənin İranın seçilmiş prezidenti Məsud Pezeşkiyanın andiçmə mərasimində iştirak etdikdən sonra İsrailin Tehrandakı iqamətgahına endirdiyi zərbə nəticəsində ölümündən sonra başlayıb.
Poliqon.info
Digərxəbərlər
Populyar xəbərlər
