ABŞ prezidenti Co Bayden koronavirusa yoluxmasına baxmayaraq özünü yaxşı hiss etdiyini bildirib...
Poliqon xəbər verir ki, Ağ Evin mətbuat katibliyi Baydenin təyyarəyə minməzdən əvvəl videosunu yayıb. Təyyarənin prezidenti Delaverə aparacağı və Baydenin özünütəcrid müddətini orada keçirəcəyi bildirilib.
“Mən özümü yaxşı hiss edirəm və hər kəsə xoş arzularına görə təşəkkür edirəm. Sağalana qədər özümü təcrid edəcəm, amma Amerika xalqı üçün işləməyə davam edəcəyəm”, deyə Co Baydenin X sosial şəbəkəsindəki səhifəsində yazıb.
Qeyd edək ki, Ağ Ev bu gün, iyulun 18-də ABŞ-ın 81 yaşlı prezidentinin koronavirus infeksiyası testinin müsbət çıxdığını elan edib. Bayden burun axması və öskürək də daxil olmaqla yuxarı tənəffüs yolları xəstəliyinin simptomlarını nümayiş etdirib.
Qeyd edək ki, Co Baydenə ikinci dəfədir ki, COVID-19 diaqnozu qoyulur. O, sonuncu dəfə 2022-ci ilin iyulunda yoluxub.
Poliqon.info