ABŞ prezidenti Co Bayden sələfi Donald Trampa sui-qəsddən sonra xüsusi müraciət edib...
Poliqon Reuters Agentliyinə istinadən xəbər verir ki, müraciətində ABŞ prezidenti amerikalıları “temperaturu aşağı salmağa” və “sərinləməyə” çağırıb.
Bayden Trampa qarşı sui-qəsdin “geri addım atmaq” üçün səbəb olduğunu söyləyib.
“Biz zorakılığın normaya çevrilməsinə icazə verə bilmərik. Bu ölkədə siyasi ritorika qızışıb. Artıq soyumaq vaxtıdır”, deyə prezident bildirib.
Dövlət başçısının sözlərinə görə, “siyasətdə temperaturu aşağı salmaq” lazımdır. Bayden qeyd edib ki, insanlar arasında fikir ayrılıqları var.
“Bu seçkidə gərginlik payı son dərəcə yüksəkdir, lakin siyasət heç vaxt hərfi döyüş meydanı olmamalıdır. İnanclarımız nə olursa olsun, onlar heç vaxt zorakılığa çevrilməməlidir”, deyə prezident müraciətində vurğulayıb.
Reuters Agentliyi qeyd edirki, Bayden 2021-ci ildə hakimiyyətə gəldikdən sonra üçüncü dəfə amerikalılar üçün böyük əhəmiyyət kəsb edən hadisələri şərh etmək üçün Oval Ofisdən xalqa müraciət edib.
Xatırladaq ki, ABŞ-ın 45-ci prezidenti Donald Tramp iyulun 13-də Pensilvaniyada seçki kampaniyası zamanı mitinq zamanı sui-qəsd cəhdindən sağ çıxıb. Ona 20 yaşlı Tomas Metyu Kruks tərəfindən atəş açılıb Güllə keçmiş prezidentin qulağına dəyib.
Poliqon.info
Digərxəbərlər
Populyar xəbərlər
