Aİ Orbanın Moskvaya gözlənilən səfərindən hiddətlənib

Poliqon xəbər verir ki, bu barədə Financial Times nəşri məlumat yayıb.

Nəşr adı açıqlanmayan avropalı diplomatın sözlərini sitat gətirir:

“Bu səfər Macarıstanın Aİ Şurasına sədrliyi dövründə həmişə sual yaradacaq: Orban öz adından danışır, yoxsa Aİ adından”. Mənbə əlavə edib ki, Avropa İttifaqı Orbanın Putinə səfərindən qəzəblənib.

Qəzetin yazdığına görə, Orban Moskvaya səfərindən sonra Türk Dövlətləri Təşkilatının sammitində iştirak etmək üçün Azərbaycana gedəcək.

Qeyd edək ki, Avropa Şurasının səlahiyyət müddəti başa çatan rəhbəri Şarl Mişel Macarıstanın Avropa İttifaqı adından Rusiya ilə danışmaq səlahiyyətinə malik olmadığını bildirib. Mişel həmçinin vurğulayıb ki, “Ukraynasız Ukrayna ilə bağlı heç bir müzakirə aparıla bilməz”.

Xatırladaq ki, Macarıstan hazırda Aİ Şurasına sədrlik edir. İyulin 2-də Macarıstanın baş naziri Viktor Orban Kiyevə səfər edib və onun yaxın vaxtlarda Moskvaya səfər edəcəyi barədə də mətbuatda xəbərlər yayıb.

Ukrayna prezidenti Vladimir Zelenski Kiyevin baş nazir Viktor Orbanın münaqişənin həlli üçün Rusiya ilə danışıqlara başlamaq üçün atəşkəs təklifini rədd etdiyini bildirib

Poliqon.info