Slovakiyanın baş nazirinə sui-qəsd yenidən terror aktı kimi tövsif edilib

Poliqon xəbər verir ki, bu barədə ölkənin baş prokuroru Maros Zilinka bildirib.

"Alınan sübutlara əsasən, iş daha da ağır cinayət - terror aktı kimi təsnifləşdiriləcək", deyə baş prokuror bildirib.

Mayın 15-də Slovakiyanın baş naziri Robert Fikonun həyatına qəsd olub. 71 yaşlı yazıçı Juraj Cintula tapança ilə siyasətçiyə 5 dəfə atəş açıb və saxlanılıb. Sinə, bud və mədə nahiyəsindən yaralanan Fiko helikopterlə Bratislavadakı xəstəxanaya aparılıb.

Fiko sui-qəsd cəhdindən sonra onu öldürməyə cəhd edən şəxsə qarşı nifrət hiss etmədiyini bildirib. Daha sonra Slovakiyanın baş naziri iyunun sonu və ya iyulun əvvəlində öz vəzifəsinə qayıtmaq niyyətində olduğunu açıqlayıb.

Pezinok şəhərinin Xüsusi Cinayət Məhkəməsi Fikonu güllələyən yazıçı Juraj Cintulanı həbsxanaya göndərib. O, qisas məqsədi ilə birinci dərəcəli adam öldürməyə cəhddə ittiham olunub.

Poliqon.info