Ukrayna ətrafında baş verənlər və Kiyevin Rusiyaya hücumlarla bağlı bəyanatları dünya müharibəsinə gətirib çıxaracaq...
Poliqon xəbər verir ki, bu fikri çərşənbə günü Fox News telekanalının efirində ABŞ-ın ən yüksək dövlət postu uğrunda yenidən mübarizə aparan keçmiş Amerika prezidenti Donald Tramp bildirib.
“Biz üçüncü dünya müharibəsinə daha yaxınıq. Görün, son bir neçə gündə nə baş verib. Rusiya prezidenti Vladimir Putin indi nüvə silahından danışır. Çünki Ukrayna indi Rusiyaya hücumlardan danışır. Və indiki ABŞ prezidenti Bayden nə deyəcəyini bilmir. Bütün bunlar son nəticədə üçüncü dünya müharibəsinə gətirib çıxaracaq”, deyə Tramp vurğulayıb.
Keçmiş Amerika lideri qeyd edib ki,o, prezident olsaydı, belə bir şey heç bir vaxt baş verməzi və əlavə edib ki, Ukrayna ətrafında vəziyyəti yaxın vaxtda həll edəcək.
Poliqon.info