ÜST dünyada ilk insanın quş qripinə yoluxduğunu bildirib

Poliqon xəbər verir ki, bubarədə Ümumdünya Səhiyyə Təşkilatının (ÜST) Cenevrədəki qərargahının mətbuat xidməti məlumat yayıb.

Yoluxmuş şəxs Meksika ştatından olan 59 yaşlı kişi olub. Həmin şəxs aprelin 24-də dünyasını dəyişib. Onun əvvəllər ev quşları və digər heyvanlarla əlaqəsi olmayıb.

“Aprelin 17-də xəstədə hərarət, təngnəfəslik, ishal, ürəkbulanma və ümumi halsızlıq yaranıb. Aprelin 24-də xəstə həkimə müraciət edib, “İsmael Kosio Villeqas” Milli Tənəffüs Xəstəlikləri İnstitutuna yerləşdirilib və vəziyyətinin ağırlaşması səbəbindən həmin gün dünyasını dəyişib”, deyə məlumatda deyilir.

ÜST virusun insanlar arasında daha da yayılma riskini aşağı səviyyədə qiymətləndirir. Həmçinin bildirilib ki, mart ayında xəstənin yaşadığı Meksika ştatı ilə həmsərhəd olan Miçoakan ştatında quşçuluq fermasında quş qripi A(H5N2) epidemiyası aşkar edilib.

ABŞ-da H5N1 quş qripi süd verən inəklər arasında yayılmağa davam etdiyinə görə, ölkədə insanlarda mümkün istifadə üçün 5 milyon dozaya yaxın qrip peyvəndi hazırlanır.

Poliqon.info