Fransanın ifrat sağçı Milli Birlik partiyasının rəhbəri Marin Le Pen Ukraynaya hərbi təlimatçıların göndərilməsini böyük risk olaraq dəyərləndirib...
Poliqon xəbər verir ki, bu barədə siyasətçi BFMTV telekanaına müsahibəsində danışıb.
Le Penin sözlərinə görə, Fransa öz ərazisində ukraynalı əsgərlərə təlim keçməyə davam edə bilər. Lakin müxakifət lideri hesab edir ki, Makron Ukraynaya təlimatçılar göndərməklə onları ciddi risk altında qoyur.
“Müharibə şəraitində olan ölkəyə əsgər təlimçiləri göndərmək açıq-aydın risklər daşıyır”, deyə siyasətçi bildirib.
Le Pen həmçinin döyüş bölgəsində təlimçilərə hücum edilərsə, Fransa hökumətinin cavabının nə olacağını sual edib. Xanım siyasətçi bu kimi addımların əleyhinə olduğunu vurğulayıb və Fransa prezidenti Emmanuel Makronu Rusiya-Ukrayna münaqişəsindən sui-istifadə etməkdə ittiham edib.
Poliqon.info