Qazaxıstan Xarici İşlər Nazirliyi Ukrayna üzrə İsveçrədə keçiriləcək sammitdə iştirakını istisna etmir...
Qazaxıstan nümayəndə heyətinin Ukrayna üzrə İsveçrədə keçiriləcək sülh sammitində iştirakı digər beynəlxalq tədbirlərin qrafiki nəzərə alınmaqla nəzərdən keçiriləcək.
Poliqon “Tengrinews” portalına istinadən xəbər veriri ki, bunu Qazaxıstan Xarici İşlər Nazirliyinin rəsmi nümayəndəsi Aybek Smadiyarov deyib.
“Ölkəmizin bu sammitdə iştirakı beynəlxalq tədbirlərin cədvəli və Qazaxıstanın bu məsələ ilə bağlı rəsmi mövqeyi nəzərə alınmaqla nəzərdən keçiriləcək”, deyə Aybek Smadiyarov brifinqdə bildirib .
Smadiyarov ayrıca vurğulayıb ki, Qazaxıstan həm Ukrayna, həm də Rusiya ilə “bərabər yaxın” siyasi, iqtisadi, mədəni və humanitar əlaqələr saxlayır.
“Biz həmişə bütün ölkələrin suverenliyini və ərazi bütövlüyünü qorumaq və BMT Nizamnaməsinin prinsiplərinə riayət etmək mövqeyindəyik”, deyə diplomat əlavə edib.
Xatırladaq ki, iyunun 15-16-da İsveçrənin Bürgenstok şəhərində Ukraynada hərbi əməliyyatlara son qoyulması üzrə sammit keçiriləcək. Ona 160 ölkədən və beynəlxalq birliklərdən nümayəndə heyətləri dəvət olunub. Rusiya tədbirə dəvət almayıb.
Poliqon.info