Səudiyyə Ərəbistanının vəliəhd şahzadəsi və baş naziri Məhəmməd bin Salman Əl Səudun bazar ertəsi başlamalı olan Yaponiya səfəri təxirə salınıb...
Poliqon xəbər verir ki, bu barədə Yaponiya Xarici İşlər Nazirliyi məlumat yayıb. Məlumata görə səfər Səudiyyə kralı Salman bin Əbdüləziz Əl Səudun xəstələnməsi ikə əlaqədar dayandırılıb.
"Səudiyyə Ərəbistanının vəliəhdi və baş nazirinin Yaponiyaya səfəri təxirə salınıb. Şahzadə Məhəmmədin gözlənilən səfəri iki ölkə arasında razılaşdırılacaq”, deyə Yaponiya Xarici İşlər Nazirliyinin bəyanatında deyilir.
Qeyd edək ki, Səudiyyə Ərəbistanının Kral Ofisi mayın 19-da bildirib ki, kral yüksək hərarət və oynaq ağrıları səbəbindən müayinə üçün Ciddədəki xəstəxanaya yerləşdirilib. Tibbi müayinədən sonra onun sətəlcəm olduğu məlum olub.
Poliqon.info