Serbiya prezidenti Aleksandar Vuçiç ölkəsinin Avropa İttifaqına (Aİ) doğru yolunu davam etdirdiyini bildirib...
Poliqon xəbər verir ki, dövlət başçısı Serbiyanın BRICS-ə qoşulmasını arzuladığı barədə məlumatları rədd edib.
Jurnalistlər Vuçiçdən "American Enterprise Institute" eksperti İvana Stradnerin Serbiya prezidentinin "BRICS-ə üzvlük üçün Avropa İttifaqına gedən yoldan imtina etmək arzusunda olması" barədə bəyanatını şərh etməyi xahiş ediblər. Vuçiç belə şərhçilərin "anormal" olduğunu və "hamısının müalicəyə ehtiyacı olduğunu" deyib.
"O mənim nə düşündüyümü haradan bilir? Mənə bir növ çip daxil ediblər və indi fikirlərimi oxumaqla məşğuldurlar, nə xəyal edirəm? Hamısı birlikdə dəli olublar? BRICS-ə böyük hörmətim var, amma Serbiya Avropa yolundadır, bu yolda qalacaq. Avropa yolunda Serbiyanın tərəfdarı olduqlarını söyləyən bəzilərinin bütün cəhdlərinin əksinə olaraq, onu bu yoldan çəkindirmək mümkün olmayacaq. Biz Avropa yolunda qalacağıq, xüsusən də onları əsəbiləşdirmək üçün", deyə prezident əmin edib.
Serbiya 2012-ci ildən Aİ-yə namizəd statusuna malikdir. 2023-cü ilin dekabrında koalisiyasının parlament seçkilərindəki qələbəsindən sonra Vuçiç Serbiyanın Avropaya "səyahətini davam etdirəcəyinə" söz verib. 2024-cü ilin aprelində o, Parisdə Fransa prezidenti Emmanuel Makronla görüşüb. Fransa lideri Serbiyanı xarici siyasət qərarlarını Aİ ilə daha sıx əlaqələndirməyə çağırıb.
Poliqon.info