24 aprel həm də Beynəlxalq Gənclərin Həmrəyliyi Günü və Beynəlxalq Katiblər Günü kimi qeyd olunur...
Poliqon xəbər verir ki, qazlı suyun ad günü hər il aprelin 24-də qeyd olunur. Məhz 1833-cü ilin bu günü ABŞ-da qazlı suyun patenti alınıb. Açılış ondan çox əvvəl baş tutsa da, bu tarix sodanın rəsmi doğum günü hesab olunur.
1767-ci ildə qazlı suyu ilk dəfə ingilis kimyaçısı Cozef Pristli yaradıb. Bu, onun pivə zavodunun çənlərində fermentasiya zamanı buraxılan qazla apardığı təcrübələrdən sonra baş verib. Bu təcrübələr nəticəsində alim karbon qazının xassələrindən birini kəşf edib və onun köməyi ilə qazlı su yaratmaq mümkün olub.
İndi qazlı suyun geniş çeşidi və bu içkini istehsal edən çox sayda marka, o cümlədən müxtəlif əlavələr var. Sodanın ad günündə qazlı su içmək və onun qeyri-adi növlərini sınamaq adətdir.
Poliqon.info