Vaşinqton İsrail ordusunun bir neçə bölməsinə qarşı sanksiya tətbiq etmək niyyətindədir...
ABŞ administrasiyası əsasən millətçi ultra-pravoslav yəhudilərdən ibarət “Netzach Yehuda” batalyonundan əlavə, daha bir neçə İsrail Müdafiə Qüvvələrinə (IDF) və polis bölmələrinə sanksiya tətbiq etməyi düşünür.
Poliqon xəbər verir ki, bu barədə ABŞ-dakı öz mənbələrinə istinadən “The Times of Israel” nəşri məlumat yayıb.
Qəzetin yazdığına görə, ABŞ Dövlət Departamenti bir ildən artıqdır ki, “Netzach Yehuda” və digər bölmələrin əsgərləri tərəfindən Fələstin əsilli ABŞ vətəndaşları da daxil olmaqla insan hüquqlarının pozulmasını araşdırır.
Qeyd edək ki, 2022-ci ilin dekabrında İDF, bir daha fələstinlilərlə qarşılaşmamaq üçün batalyonu İordan çayının qərb sahilindən çıxarmaq qərarına gəlib, lakin əsgərlər və zabitlər iddia etdikləri cinayətlərə görə heç vaxt məsuliyyətə cəlb edilməyiblər.
Qəzetin digər mənbəsi isə ABŞ sanksiyalarının ciddi nəticələrinin gözlənilmədiyini bildirib. Sanksiyalara görə isə “Netzach Yehuda” batalyonu Amerika ordusu ilə təlimlərdə iştirak edə bilməyəcək və İsrailə müttəfiq silahlarını batalyona ötürmək qadağan olunacaq. Lakin sanksiya İsrail komandanlığına dövlətin öz hesabına aldığı Amerika silahlarını batalyona ötürməyi qadağan etmir.
Qeyd edək ki, bundan əvvəl Axios portalı məlumat vermişdi ki, ABŞ dövlət katibi Entoni Blinken bir neçə gün ərzində İordan çayının qərb sahilində insan haqlarının pozulmasına görə İsrail ordusunun bölmələrindən birinə qarşı sanksiyaların tətbiqini elan edəcək.
Poliqon.info
Digərxəbərlər
Populyar xəbərlər
