İranın hücumunu dəf etmək İsrailə 1 milyard dollara başa gəlib

Poliqon xəbər verir ki, bu barədə Financial Times nəşri məlumat yayıb.

Keçmiş İsrail hərbçisi bildirib kii, ABŞ, Fransa və Böyük Britaniyaya məxsus təyyarələrin göndərilməsini nəzərə almasaq, İsrailin müdafiə xərcləri 1 milyard dollardan çox olub.

Aprelin 13-də axşam İran aprelin 1-də İranın Suriyadakı konsulluğunun binasının dağıdılmasına cavab olaraq İsrailə doğru yüzlərlə pilotsuz təyyarə və raketlər atıb. Hücum təxminən beş saat davam edib. İsrail atılan raketlərin və pilotsuz təyyarələrin 99%-ni vurduğunu bildirib. Eyni zamanda, İran tərəfi yəhudi dövləti ərazisində bir sıra hərbi obyektlərin vurulduğunu bildirib.

"Bu əməliyyat zamanı İsrailin çoxsəviyyəli hava hücumundan müdafiə sistemləri ilə yanaşı, ABŞ, Fransa və Böyük Britaniya öz hava hücumundan müdafiə sistemlərindən istifadə edib, lakin İran raketlərini vura bilməyiblər", deyə İran parlamentinin Milli Təhlükəsizlik və Xarici Siyasət Komitəsinin mətbuat katibi Abulfazl Amui bildirib.

Parlamentari qeyd edib ki, çoxlu sayda raket və pilotsuz uçan aparatların buraxılması hava hücumundan müdafiə sistemlərini çaşdırmaq məqsədi daşıyırdı və İran bu məqsədə nail olub. Amui vurğulayıb ki, İsrail İran zərbəsinin nəticələrini mediada azaltmağa çalışır.

İranlı deputat qeyd edib ki, Tehran kütləvi insan tələfatına və ya həssas şəhər ərazilərinə zərbə endirməyə çalışmayıb. Onun sözlərinə görə, əməliyyatın məqsədi yəhudi dövlətinə qarşı cihad sistemini bərpa etmək idi ki, İsrail İran İslam Respublikasının maraqlarına qarşı daha ​​geniş miqyaslı əməliyyatlar keçirə bilməsin.

Poliqon.info