Moskva yaxınlığındakı "Crocus City Hall" konsert zalında terror aktının hazırlanmasında informasiya-kommunikasiya texnologiyalarından (İKT) fəal istifadə olunub...
Poliqon TASS Agentliyinə istinadən xəbər verir ki, bunu Belarusun Kollektiv Təhlükəsizlik Müqaviləsi Təşkilatındakı (KTMT) daimi nümayəndəsi Aleksandr Qrineviç deyib.
Aleksandr Qrineviçin sözlərinə görə, Rusiya və Belarusun hüquq-mühafizə orqanları bütün məlumat hücumlarını qeydə alır.
"Tədqiqat üçün mövcud olan materiallar "Crocus"da dəhşətli terror aktının hazırlanmasında və həyata keçirilməsində İKT-nin aktiv istifadəsini təsdiqləyir", deyə Qrineviç əlavə edib.
Qeyd edək ki, "Crocus"da terror aktı martın 22-də baş verib. Nəticədə 150-yə yaxın insan ölüb, 500 nəfərdən artıq adam yaralanıb. Ertəsi gün Rusiya təhlükəsizlik qüvvələri hücumda şübhəli bilinən 4 nəfəri saxlayıb. Onların Tacikistan vətəndaşları Şəmsidin Fariduni, Saidakrami Murodali Raçabalizoda, Dalerjon Mirzoev və Muhammadsobir Fayzov olduğu məlum olub. Onlar istintaq təcridxanasına göndərilib. Aprelin 12-də Tacikistanın xarici işlər naziri Sirociddin Muxriddin "Krokus" terror aktında ittiham olunanlara işgəncə verilməsini qəbuledilməz adlandırıb.
Poliqon.info
Digərxəbərlər
Populyar xəbərlər
