HƏMAS İsrailin Qəzza zolağında atəşkəs təklifini rədd edib

Poliqon xəbər verir ki, bu barədə Reuters Agentliyinin məlumatında bildirilir.

Fələstinin HƏMAS hərəkatı Qəzza zolağında atəşkəs razılaşması ilə bağlı İsrailin “son təklifini” qəbul etməyib. HƏMAS-ın Xarici Ölkələrlə Əlaqələr üzrə Milli Bürosunun rəhbəri Əli Barakə bu barədə Reuters Agentliyinə şərhində bildirib.

“Biz Misir tərəfinin bizə məlumat verdiyi İsrailin son təkliflərini rədd edirik. Siyasi Büro bu gün toplaşıb və bu qərarı qəbul edib”, deyə Reuters Həmas Milli Bürosunun rəhbərinin sözlərinə istinadən yazır.

Hərəkatın digər nümayəndəsi Tel-Əvivin mövqeyində heç nəyin dəyişmədiyini vurğulayıb.

“Müvafiq olaraq, danışıqlar prosesində yeni heç nə yox idi”, deyə o, vurğulayıb.

Qeyd edək ki, hazırda Misirin paytaxtı Qahirədə danışıqlar gedir və bu danışıqlar zamanı İsrail nümayəndələri hərbi əməliyyatların dayandırılmasına dair həll yolunu təklif ediblər. Bundan əvvəl “Əl-Cəzirə” telekanalının mənbələri iddia etmişdilər ki, vasitəçilər İsrail və HƏMAS arasında məsləhətləşmələr zamanı Fələstin anklavında atəşkəs də daxil olmaqla təklifin yeni variantını təqdim ediblər. Onun həyata keçirilməsinin üç mərhələdə həyata keçiriləcəyi güman edilirdi.

Qeyd edək ki, aprelin 7-də Qahirədə Qəzzada atəşkəsin yaradılmasına yönəlmiş danışıqların yeni mərhələsi başlayıb.

Poliqon.info