ABŞ Maliyyə Naziri Canet Yellen Çində dörd günlük danışıqları bu ölkənin banklarına və ixracatçılarına xəbərdarlıqla başa vurub...
Poliqon Bloomberg Agentliyinə istinadən xəbər verir ki, ABŞ səfirinin Pekindəki iqamətgahında keçirdiyi mətbuat konfransında Yellen Çinə ciddi xəbərdarlıq ey=tdiyini açıqlayıb.
“Mən vurğuladım ki, Çin şirkətləri Rusiyanın müharibəsinə maddi dəstək verməməlidirlər və belə etsələr, ciddi nəticələrlə üzləşəcəklər. Rusiya müdafiə sənayesi bazasını hərbi və ya ikili təyinatlı mallarla təmin edən mühüm əməliyyatları asanlaşdıran istənilən banklar ABŞ-ın sanksiyaları riskinə məruz qalacaqlar”, deyə ABŞ-ın maliyyə naziri bildirib.
Bloomberg qeyd edir ki, Çin əvvəllər də xəbərdarlıqların hədəfi olsa da, Yellenin Pekində verdiyi mesaj qeyri-adi idi, çünki bu xəbərdarlıq birbaşa sanksiyalar təhdidini ehtiva edirdi.
“Bu, Rusiyanın xarici işlər naziri Sergey Lavrovun Ukrayna da daxil olmaqla, məsələləri müzakirə etmək üçün Pekinə gəldiyi gün baş verib. Çin münaqişə ilə bağlı mövqeyini bitərəf kimi qələmə versə də, Rusiya ilə ticarət başlayandan bəri kəskin şəkildə artıb”, deyə Agentlik qeyd edir.
Bloomberg yazır ki, ABŞ Maliyyə Nazirliyinin beynəlxalq maliyyə institutlarına qarşı əsas silahı onların ABŞ dollarına çıxışını kəsə bilməsidir ki, bu da beynəlxalq səviyyədə fəaliyyət göstərən istənilən bank üçün təhlükə yaradır.
Poliqon.info
Digərxəbərlər
Populyar xəbərlər
