Rusiya NATO-nun Qotland planını təxribat adlandırıb

Poliqon xəbər verir ki, bu barədə Rusiya Xarici İşlər Nazirliyinin bəyanatında deyilir.

Nazirlik qeyd edib ki, İsveç Rusiya təhlükəsinə qarşı müdafiəni təkmilləşdirmək üçün strateji əhəmiyyətli adanı gücləndirmək niyyətindədir. Xarici İşlər Nazirliyi vurğulayıb ki, isveçlilər 2015-ci ildə adada hərbi mövcudluğunu bərpa ediblər və 2023-cü ilin aprelində təlimlər zamanı silahlı hücuma qarşı məşq keçiblər.

"Belə təxribatçı fəaliyyət nəticəsində regionda naviqasiya təhlükəsizliyi və iqtisadi fəaliyyət üçün yeni təhdidlər yaranır", deyə məlumatda bildirilir.

Bundan əvvəl İsveçin baş naziri Ulf Kristersson bildirmişdi ki, ölkəsi NATO-dakı tərəfdaşları ilə birlikdə Baltik dənizindəki Qotland adasını Rusiyadan qorumağa hazırlaşır.

Martın 12-də Baltik Donanmasının keçmiş komandanı admiral Vladimir Valuyev bildirib ki, Baltik Donanmasının Rusiya gəmiləri İsveç üçün heç bir təhlükə yaratmır, lakin NATO donanmalarından gələn istənilən təhlükəni dəf etməyə hazırdır.

Poliqon.info