Avropa prokurorları fon der Leyen və Pfizerin işini araşdırmağa başlayıb
Avropanın aparıcı prokurorlarının Avropa Komissiyasının (AK) rəhbəri Ursula fon der Leyenə qarşı Pfizer-dən koronavirusa qarşı vaksinlərin alınması ilə bağlı apardığı cinayət araşdırması Avropa İttigaqı prokurorluğunun əlinə keçib.
Poliqon xəbər verir ki, bu barədə Politico qəzeti Lyej (Belçika) prokurorluğunun nümayəndəsinə istinadən məlumat yayıb.
Nəşrin məlumatına görə, Aİ prokurorları fon der Leyenlə bağlı araşdırmalara bir neçə ay əvvəl başlayıb. Söhbət AK rəhbəri ilə əczaçılıq şirkətinin baş direktoru Albert Bourla arasında Pfizer vaksinlərinin alınması ilə bağlı danışıqlardan gedir.
Hüquqi sənədlərə əsasən, hüquq-mühafizə orqanları "dövlət funksiyalarına müdaxilə, SMS-lərin silinməsi, korrupsiya və maraqların toqquşması" sübutlarını yoxlayır. Politico qeyd edir ki, bu, Aİ prokurorlarının fon der Leyen haqqında ilk dəfədir ki, birbaşa təhqiqat aparır, lakin ona hələ də rəsmi ittiham irəli sürülməyib.
Nəşrin mənbələrinin bildirdiyinə görə, Macarıstan da işə qoşularaq, AK rəhbərinin peyvənd danışıqlarındakı rolu ilə bağlı şikayət verib. Məqalədə qeyd olunur ki, Polşa ötən il də analoji şikayətlə müraciət edib, lakin baş nazir Donald Tuskun hökuməti hakimiyyətə gəldikdən sonra şikayəti geri götürüb.
2023-cü ilin fevral ayında Amerikanın New York Times qəzeti Avropa Komissiyasının sədri ilə Pfizer şirkətinin baş direktoru arasında COVID-19 peyvəndinin alınması ilə bağlı yazışmaları dərc etməkdən imtina etdiyinə görə Avropa Komissiyasına qarşı iddia qaldırıb.
2022-ci ilin oktyabrında Avropa prokurorları Avropa İttifaqının koronavirusa qarşı vaksinlər alması ilə bağlı araşdırmaya başlayıb. Bundan əvvəl Avropa Auditorlar Palatası AK-ni 2021-ci ilin mayında Aİ-nin ən böyük peyvənd tədarükü müqaviləsi üzrə Pfizer ilə danışıqlarda fon der Leyenin rolunun təfərrüatlarını açıqlamaqdan imtina etməkdə günahlandırıb.
Poliqon.info