Müşavirləri Baydenə məhdudiyyətlər qoyub və bundan Amerika lideri qəzəblənib

Poliqon xəbər verir ki, bu barədə NBC News telekanalı məlumat yayıb.

Telekanal qeyd edir ki, Ağ Ev rəhbərinin müşavirləri insidentlərin baş vermə ehtimalını minimuma endirmək istəyirlər. Onların fikrincə, Bayden keçmiş prezident Donald Trampı məğlub etməyi planlaşdırırsa, o zaman kampaniya strategiyasına sadiq qalmalı və ondan kənara çıxmamalıdır.

NBC News mənbəsinin sözlərinə görə, bu, seçicilərlə daha tez-tez ünsiyyət qurmağa və Trampla birbaşa mübarizə aparmağa çalışan hazırkı Amerika liderini narazı salıb.

Qeyd edək ki, ABŞ-da prezident seçkiləri bu ilin noyabrında keçiriləcək. Prezidentlik uğrunda hazırkı Amerika lideri Co Baydenlə sabiq dövlət başçısı Donald Tramp mübarizə aparacaq.

Poliqon.info