ABŞ-ın keçmiş prezidenti Donald Trampın tərəfdarları Rusiya prezidenti Vladimir Putinin siyasətinə rəğbət bəsləyirlər...
Poliqon xəbər verir ki, bunu ABŞ-ın keçmiş dövlət katibi Hillari Klinton deyib. Keçmiş birinci ledi fikirlərini X sosial şəbəkəsindəki (keçmiş Twitter) səhifəsində paylaşıb.
Onun fikrincə, Trampa səs vermək Putinin komandasına səs vermək deməkdir.
"Bu, hər gün daha aydın olur: Trampa səs vermək Rusiya prezidenti Vladimir Putinin komandasına səs verməklə bərabərdir", deyə Hillari Klinton bildirib.
Bundan əvvəl ABŞ-ın keçmiş prezidenti, Hillari Klintonin həyat yoldaşı Bill Klinton bildirib ki, Ağ Evdə olduğu müddətdə Rusiyanı ABŞ-ın tərəfdaşına çevirmək üçün əlindən gələni edib. Sabiq Amerika prezidentinin sözlərinə görə, o, Rusiya ilə yaxınlaşma səylərinə görə peşman deyil. Bu cür səylərə misal olaraq Bill Klinton 1997-ci ildə imzalanmış Rusiya-NATO-nun təsis aktını xatırladıb.
Poliqon.info