İsrailin xarici işlər naziri İsrael Katz BMT Təhlükəsizlik Şurasının xüsusi iclasında çıxışı zamanı Fələstinin HƏMAS hərəkatını terror təşkilatı kimi tanımaq və qruplaşmaya qarşı sərt sanksiyalar tətbiq etməyi tələb edib...
Poliqon xəbər verir ki, bu barədə "RİA Novosti" Agentliyi məlumat yayıb.
Görüşə israilli girovların qohumları ilə birlikdə gələn Katzın sözlərinə görə, BMT HƏMAS-ın hərəkətlərinə çox uzun müddətdir ki, susub. Nazir xatırladıb ki, dünya təşkilatı ötən il oktyabrın 7-dən indiyədək 40-dan çox iclas keçirib, lakin heç vaxt HƏMAS-ın cinayətlərini pisləməyib.
Katz qeyd edib ki, HƏMAS-ın cinayətləri "Əl-Qaidə" və İŞİD tərəfindən törədilən terror aktlarından da ağırdır. O bildirib ki, HƏMAS terror təşkilatı elan edilməli və ciddi sanksiyalara məruz qalmalıdır.
İsrailin xarici işlər naziri BMT Təhlükəsizlik Şurasından bütün girovların qeyd-şərtsiz azad edilməsi üçün HƏMAS-a maksimum təzyiq göstərməyi tələb edib.
Poliqon.info
Digərxəbərlər
Populyar xəbərlər
