Almaniyanın xarici işlər naziri Annalena Berbok bildirib ki, Berlin Böyük Britaniyanın xarici işlər naziri David Kameronun raketlərin Ukraynaya sonrakı təhvil verilməsi üçün dairəvi mübadilə təklifini nəzərdən keçirməyə hazırdır...
Poliqon xəbər verir ki, bu barədə "Der Spiegel" jurnalı məlumat yayıb.
Xüsusilə, Almaniya Böyük Britaniyaya "Taurus" qanadlı raketləri verə bilər və bunun müqabilində Britaniya tərəfi "Storm Shadow"u Ukraynaya ötürəcək. Beləliklə, Almaniya Ukrayna qoşunlarını qanadlı raketlərlə təmin etmək məsuliyyətindən rəsmən azad olacaq.
Nəşr yazır ki, Berbok belə sxem vasitəsilə Kiyevi qanadlı raketlərlə təmin etmək barədə David Kameronun təkliflərini müzakirə etməyə hazırdır.
Keçən həftə David Kameron bildirmişdi ki, London Almaniyaya "Taurus" qanadlı raketlərinin Ukraynaya tədarükü ilə bağlı məsələlərin həllində yardım göstərməyə hazırdır.
Nazirin yazdığına görə, bu cür qanadlı raketlərin Kiyevə tədarükü münaqişənin genişlənməsinə səbəb olmayacaq, çünki ötürücü tərəf onların istifadəsinə məhdudiyyətlər qoya bilər.
Almaniya mediasının məlumatına görə, kansler Olaf Şolts "Taurus" raketlərinin Kiyevə ötürülməsini isətmir. Bununla o, Kiyevin Rusiya ilə birbaşa münaqişəyə cəlb olunacağından narahatdır.
Poliqon.info
Digərxəbərlər
Populyar xəbərlər
