Dünyanın ən böyük şəhərlərindən biri ciddi su böhranı ilə üzləşib

Mexiko şəhəri ciddi su böhranı ilə üz-üzədir. Yerli məmurlardan birinin proqnozlarına görə, iyunun sonunda şəhərdə suyun kranlardan yox olacağı “sıfır gün” yaşana bilər.

Poliqon xəbər verir ki, CNN telekanalı dünyanın ən böyük şəhərlərindən birində yaşanan həddsiz quraqlığa diqqət çəkib.

Xəbərdə qeyd olunur ki, Mexiko şəhəri su anbarlarında suyun səviyyəsi tarixən aşağı səviyyəyə düşüb. İllərdir davam edən anomal az yağıntı və yüksək temperatur, La Nina və El Nino fenomenlərinin təsiri altında iqlim dəyişikliyi, eləcə də infrastruktur problemləri metropolda ciddi su qıtlığına səbəb olub. Suyun çox hissəsi (təxminən 40 faiz) sızmalara görə itirilir ki, bu da ehtiyatların bir hissəsinin şəhər xaricindəki mənbələrdən uzun məsafələrə yoxuşa vurulması səbəbindən baş verir. Bunda demoqrafik vəziyyətin də təsiri var - Mexiko şəhərinin əhalisi artmaqda davam edir, lakin su təchizatı sistemi bu artıma tab gətirə bilmir.

Hazırkı vəziyyətdə hakimiyyət su anbarlarından vurulan suya ciddi məhdudiyyətlər qoymaq qərarına gəlib və onun əhaliyə verilməsini 25 faiz azaldıb. Nəticədə, bir çox şəhər sakinləri aylarla lazımi axar su olmadan yaşamalı, bir neçə gündə bir-iki saat verilən nazik damcı su ilə kifayətlənməli və su çəni üçün 100 dollardan çox pul ödəməlidirlər.

Mexikoda yağışlı mövsümə hələ dörd ay var və mütəxəssislər suyun başlamazdan əvvəl tükənəcəyindən qorxurlar. Mütəxəssislər bu problemi həll etmək üçün tullantı sularının təmizlənməsinin keyfiyyətinin yüksəldilməsi ilə yanaşı, çayların bərpası və yağış sularının toplanması sistemlərindən daha fəal istifadə olunmasını təklif ediblər.

Poliqon.info