Türkiyə Hərbi Dəniz Qüvvələri ölkələr arasında imzalanan müdafiə və iqtisadi əməkdaşlıq müqaviləsi çərçivəsində Somalinin quru sularını 10 il qoruyacaq...
Poliqon xəbər verir ki, bu barədə Türkiyənin “Anadolu” agentliyi Somali prezidenti Həsən Şeyx Mahmudun bəyanatına istinadən yazır.
Həsən Şeyx Mahmudun sözlərinə görə, saziş həmçinin terrorizm, xarici təhdidlər, dəniz quldurluğu və qeyri-qanuni balıq ovu ilə mübarizə məsələləri üzrə əməkdaşlığı nəzərdə tutur.
“Bu, əhəmiyyətli bir inkişafdır: Nazirlər Kabineti Somali ilə NATO üzvü və yaxın müttəfiqi olan hörmətli Türkiyə Respublikası arasında müdafiə sahəsində əməkdaşlıq paktını təsdiqləyib”, deyə Somali prezidenti bildirib.
Prezidentin bəyanatında deyilir ki, Somali xəvaric terrorçuları ilə mübarizə əməliyyatına görə çətin vəziyyətdədir. Onun sözlərinə görə, Somali terrorçulara qarşı mübarizədə əhəmiyyətli irəliləyiş əldə edi. Lakin prezident Efiopiyanı qəsd edərək bildirib ki, bu mübarizə fonunda qonşu ölkə Somali üçün yeni cəbhə yaradıb.
“Anadolu”nun məlumatına görə, Somali ilə Türkiyə arasında razılaşma xəbəri Efiopiya ilə Somali arasında davam edən gərginlik fonunda yayılıb. Yanvarın əvvəlində Efiopiya hökuməti Qırmızı dənizdəki Berbera limanına çıxış üçün tanınmamış Somaliland dövləti ilə müqavilə imzalayıb. Somali Somalilandı (Afrikanın şimalında yerləşir) öz ərazisi hesab edir. Müqavilə imzalandıqdan sonra Somali rəhbərliyi müqavilənin ləğvini tələb edib və Efiopiyadakı səfirini geri çağırıb.
Poliqon.info