Ermənistanın baş naziri öz səmərəsizliyini nümayiş etdirən bir sıra nazirlərdən yaxa qurtarmağı planlaşdırır...
Poliqon xəbər verir ki, bu barədə Ermənistanın “Joxovurd” qəzeti məlumat yayıb. Nəşr yaır ki, lakin Paşinyan onlar üçün layiqli əvəz tapa bilmir, çünki Baş nazirin kadr ehtiyatı xeyli tükənib və təcrübəli mütəxəssislərin kəskin çatışmazlığı var.
Nəşrin yazdığına görə, Paşinyan öz partiyasından olan parlament üzvlərini icra hakimiyyətlərində vəzifələrə cəlb etmək istəyib, hətta onlara nazir postları da təklif edib. Lakin hakim partiyanın deputatları Paşinyanı qəzəbləndirməməyə çalışmaqla yanaşı, təklifləri rədd ediblər. Nəşrin mənbələrinə görə, buna səbəb deputatların birbaşa Paşinyanın nəzarətində olmaq istəməməsi və onunla gündəlik görüşlərdən yayınmasıdır.
Bundan əlavə, nəşr qeyd edir ki, hakim partiyanın üzvləri parlamentdə özlərini rahat hiss edir, deputat vəzifəsini daha “prestijli” olaraq görür və buna görə də icra hakimiyyətinə keçmək istəmirlər.
Poliqon.info