ABŞ Nümayəndələr Palatasının qanunvericiləri, respublikaçı Brayan Fitspatrik və demokrat Jared Qolden Meksika ilə sərhədin qorunması tədbirləri də daxil olmaqla, Ukrayna, İsrail və Tayvana yardım layihəsinin alternativ variantını təklif ediblər...
Poliqon xəbər verir ki, bu barədə The Hill nəşri məlumat yayıb. Məlumatda qeyd edilir ki, qanunvericilər həmkarlarını Ukraynaya kömək etmək üçün mümkün qədər tez qanun layihəsini dəstəkləməyə çağırıblar.
“Biz Ukrayna xalqına üz döndərə bilmərik, çünki onlar öz demokratiyasını və suverenliyini qorumaq üçün on minlərlə insan cəbhədə döyüşür və həlak olur. Onlar sübut etdilər ki, Amerika silahları və sursatları ilə bu döyüşdə qalib gələ bilərlər. Biz bilirik ki, yardım olmadan onların bu fədakarlığı uğursuz ola bilər”, deyə məktubda deyilir.
Layihədə Ukraynaya 47 milyard, İsrailə 10 milyard, Hind-Sakit okean regionunun müdafiəsi üçün 5 milyard, ABŞ Mərkəzi Komandanlığının Yaxın Şərqdəki əməliyyatlarına dəstək üçün 2 milyard dollar ayrılması təklif edilir. Digər tərəfdən sığınacaq almaq istəyən ərizəçilərinin işlərinin məhkəmə dinləmələrinə qədər qaçqınların Meksikada qalmasının tələb edən qanunun bərpası təklif olunur.
Qeyd edək ki, fevralın 13-də ABŞ Senatı Ukrayna, İsrail və Tayvana 95 milyard dollardan çox yardım ayrılmasını nəzərdə tutan qanun layihəsini dəstəkləyib. Qanun layihəsi çərçivəsində Kiyevə 60 milyard dollardan çox pul veriləcək. Konqresin yuxarı palatasının 100 üzvündən 70-i sənədin lehinə səs verib, qanun layihəsinin razılaşdırılması təxminən dörd aya yaxın vaxt aparıb.
İndi sənəd Respublikaçılar Partiyasının nəzarətində olan Nümayəndələr Palatası tərəfindən təsdiqlənməlidir. Nümayəndələr Palatasının spikeri Mayk Conson cənub sərhədlərinin təhlükəsizliyini gücləndirmək üçün tədbirlər görülməsə, qanun layihəsini səsverməyə çıxarmayacağını bildirib.
Poliqon.info.