Qeyri-qanuni miqrantların sayı 19 milyona çata və ABŞ-ın hazırkı prezidenti Co Baydenin səlahiyyət müddətinin sonuna qədər Nyu-York ştatında yaşayanların sayını keçə bilər...
Poliqon TASS-a istinadən xəbər verir ki, bunu ABŞ prezidentliyinə namizəd Donald Tramp Den Bonqinonun podkastında deyib.
"Düşünürəm ki, onun (Co Baydenin-red.) səlahiyyət müddəti başa çatana qədər ABŞ-da miqrantların real sayı 18-19 milyon nəfər olacaq. Düşünürəm ki, miqrasiya rəqəmləri Nyu-York ştatının əhalisinin sayını keçəcək, Bayden 18-19 milyon nəfərlə öz səlahiyyət müddətini başa vuracaq", deyə Tramp bildirib.
Tramp hesab edir ki, hazırda qeyri-qanuni yolla ABŞ-a daxil olmağa çalışan miqrantlar ruhi xəstəxanalardan və həbsxanalardan qaçanlardır, onların bəzilərini hətta terrorçu adlandırmaq olar. Tramp həmçinin Ağ Evdə işlədiyi müddətdə ABŞ-ın ən güclü sərhədə malik olduğunu bildirib.
Poliqon.info