ABŞ prezidentliyinə namizəd Donald Tramp Senatın ikitərəfli sərhəd razılaşmasına qarşı çıxıb və bunun lazımsız olduğunu, vəziyyəti daha da pisləşdirəcəyini deyib...
Poliqon xəbər verir ki, keçmiş prezident bu barədə "Truth" sosial şəbəkəsindəki səhifəsində yazıb.
"Sərhədlər haqqında qanun layihəsi milyonlarla insanı dayandırmaq üçün lazım deyil. Bu, heç bir ölkənin yaşamadığı bir işğaldır", deüyə Tramp qeyd edib.
O, həmçinin bildirib ki, Demokratlar sərhəd razılaşmasından sərhəd böhranına görə respublikaçıları günahlandırmaq üçün istifadə edirlər.
"Onlar bu dəhşətli Senatın qanun layihəsindən sərhəd fəlakətini Respublikaçıların çiyninə qoymaq üçün istifadə edirlər. Demokratlar sərhədi dağıdıblar, onu düzəltmək lazımdır. Qanunvericiliyə ehtiyac yoxdur, o, artıq mövcuddur", deyə ABŞ-ın keçmiş prezidenti bildirib.
Tramp daha əvvəl demişdi ki, Amerika sərhədindəki vəziyyət kütləvi qırğın silahına çevrilib.
Əvvəllər bildirilirdi ki, ABŞ Konqresindəki Demokratlar və Respublikaçılar partiyalarının nümayəndələri Ukraynaya maliyyənin davam etdirilməsi ilə bağlı razılığa gəliblər, lakin ölkənin keçmiş prezidenti Donald Tramp sazişin bağlanması prosesinə müdaxilə edib.
Poliqon.info