Avropa Xalq Partiyası (EPP) Avropa Komissiyasının (AK) sədri vəzifəsinə Ursula fon der Leyenin namizədliyini dəstəkləməyə hazırdır...
Poliqon xəbər verir ki, bu barədə Belçikanın “Euractiv” portalı məlumat yayıb.
Portalın məlumatına görə, fon der Leyen yenidən Avropa Komissiyasının rəhbəri vəzifəsinə namizəd olmaq niyyətini hələ ki, açıqlamayıb. Onun namizədliyini fevralın 19-da Berlində keçiriləcək Xristian Demokrat İttifaqının (CDU) konqresində elan edəcəyi gözlənilir. “Euractiv”in məlumatına görə, XDİ-dən əlavə, fon der Leyenin ikinci müddətə AK rəhbəri vəzifəsinə namizədliyi EPP üzvü olan Vətəndaş Platforması və Yeni Demokratiya partiyaları tərəfindən dəstəklənə bilər.
Qeyd edək ki, fon der Leyen 2 iyul 2019-cu ildə Avropa Komissiyasının sədri vəzifəsinə namizəd kimi seçilərək bu vəzifəni tutan ilk qadın olub.
Poliqon.info