Polşanın baş naziri Donald Tusk ölkə hökumətində 4 naziri dəyişməyi planlaşdırır...
Poliqon xəbər verir ki, bu barədə "Radio Zet" radiostansiyası Tuskun özünə istinadən məlumat yayıb.
Jurnalistlərin fikrincə, hazırkı nazirlər Avropa Parlamentinə seçkilərdə namizəd kimi çıxış etməyə hazırlaşdıqlarına görə vəzifələrindən gedəcəklər. Yeni nazirlərin adları bu gün açıqlanacaq. Eyni zamanda, gələn həftə prezident sarayında yeni nazirlərin təntənəli təyinat mərasimi keçiriləcək. Bu qərar prezidentin işgüzar səfərləri ilə əlaqədar qəbul edilib.
Müxbirlərin bildirdiyinə görə, hakimiyyət Daxili İşlər və Administrasiya, Dövlət Aktivləri, Mədəniyyət, eləcə də İnfrastruktur və İnkişaf nazirliklərinə yeni rəhbət təyin etməyə hazırlaşır.
"Məni tanıyanlar, ilk baş nazirlik dövründən xatırlayanlar bilirlər ki, heç kim, o cümlədən mən də əbədi olduğumuzu düşünmürəm. Yalnız ictimai və dövlətin maraqları nəzərə alınır. Bu gün nazir kimi sizinlə vidalaşan nazirlər qarşılarına qoyulan vəzifələri yerinə yetiriblər. İlk aylar divarın sökülməsi ayları idi. Bu gün hər şeyi qaydaya salmağın vaxtıdır. Biz bu dəyişiklikləri birlikdə etmək qərarına gəldik", deyə Tusk bildirib.
Poliqon.info