ABŞ dövlət katibi Entoni Blinken İsrailin Qəzza zolağında davranışı ilə bağlı Konqresə tənqidi hesabat təqdim edəcək...
Poliqon xəbər verir ki, bu barədə Amerikanın "Axios" portalı üç amerikalı məmura istinadən yazıb.
Hazırda Dövlət Departamenti müxtəlif silahlı münaqişələrdə iştirak edən İsrail və digər 6 ölkənin silahdan istifadəsini öyrənir. "Axios" qeyd edir ki, departament mayın 8-dək Konqresə hesabatların təqdim edilməsi üçün son tarix təyin edib, lakin əvvəllər onlar sənədin texniki səbəblərə görə bir neçə gün gecikdiriləcəyini bildiriblər.
Portalın məlumatına görə, hesabatdan İsrailin anklavda Amerika silahlarından istifadə şərtlərini pozduğu qənaətinə gəlmək mümkün olmayacaq. ABŞ rəsmilərinin sözlərinə görə, İsrailin Qəzza zolağına humanitar yardımın çatdırılması ilə bağlı siyasəti hazırda xeyli yaxşılaşıb və İsrail yardımın verilməsinə mane olmaq niyyətində deyil.
Üç ABŞ rəsmisi "Axios"a bildirib ki, Blinkenin hesabatında münaqişə zamanı bir sıra insidentlər sadalanacaq və onlar İsrail tərəfindən beynəlxalq hüququn pozulması ilə bağlı ciddi narahatlıq doğurduğunu qeyd edəcəklər.
Poliqon.info