ABŞ-ın 45-ci prezidenti Donald Tramp Respublikaçılar Partiyasından Nikki Heylinin seçki kampaniyasına sponsorluq etməyə davam edən hər kəsi özünün qeyri-rəsmi MAGA (Amerikanı yenidən möhtəşəm et) hərəkatından həmişəlik xaric edəcəyi ilə hədələyib...
Poliqon xəbər verir ki, bu barədə ABŞ-ın keçmiş prezidenti “Truth” sosial şəbəkəsindəki səhifəsində yazıb.
“Birdbrain-ə (Quş beyinli – Tramp Heylini belə adlandırır) töhfə verən hər kəs bundan sonra həmişəlik MAGA düşərgəsindən kənarlaşdırılacaq. Biz onları istəmirik və qəbul etməyəcəyik”, deyə Tramp yazıb.
Donald Trampın mesajına cavab olaraq Heyli tərəfdarlarını xüsusi portal vasitəsilə onun kampaniyasına ianə etməyə dəvət edib. Heyli qeyd edib ki, kampaniyası Nyu-Hempşirdə keçirilən ilkin seçkidən sonra 24 saat ərzində 1 milyon dollar toplayıb.
Qeyd edək ki, ABŞ-ın Nyu-Hempşir ştatında 2024-cü il prezident seçkiləri üçün ilkin seçkilər yanvarın 23-də keçirilib. Hesablamaların nəticələrinə görə, Donald Tramp respublikaçıların praymerizində səslərin demək olar ki, 55 faizini toplayaraq qalib gəlib. Onun rəqibi Nikki Heyli seçicilərin 44%-i dəstəkləyib.
ABŞ-da prezident seçkiləri noyabrda keçiriləcək.
Poliqon.info
Digərxəbərlər
Populyar xəbərlər
