Luiziana ştatından olan respublikaçı konqresmen Keli Hiqqins ABŞ federal hakimiyyətini Texasdakı sərhəddəki hərəkətlərə görə ölkədə vətəndaş müharibəsi başlatmaqda ittiham edib...
Poliqon xəbər verir ki, konqresmen bu barədə X sosial şəbəkəsindəki səhifəsində yazıb.
"Düşünürəm ki, federallar vətəndaş müharibəsinə başlayır və Texas öz mövqeyində dayanmalıdır", deyə konqresmen bildirib.
Bundan əvvəl ABŞ Ali Məhkəməsi Texasın cənub sərhədi boyunca ştat hakimiyyətinin Meksika ilə sərhədə yaxın yerləşdirdiyi tikanlı məftillərin götürülməsinə qərar vermişdi.
Yanvarın 13-də bildirilib ki, Birləşmiş Ştatlar administrasiyası və Texas ştatının milli qvardiya qüvvələri tərəfindən sərhədin müstəqil qorunmasına məhkəmədə etiraz edir. Ölkənin Ədliyyə Nazirliyi ona tabe olan sərhədçilərin Milli Qvardiyanın blokladığı ərazilərə girişini bərpa etməyi xahiş edib.
Texas səlahiyyətliləri federal qurumların sərhədi lazımi şəkildə qoruya bilmədiyini və öz vəzifələrini yerinə yetirə bilmədiklərini açıqlayıb. Bununla əlaqədar, dövlət qanunu qəbul edilib, ona görə hakimiyyət orqanları şübhəli qanunsuz miqrantları həbs və deportasiya etmək hüququ alıb.
Poliqon.info